Wia hoaß i, wo kim i her, wos moch i gern?
Des woits ihr sicha jetzt wissn, oder? Na kloar!

Es is goa ned so leicht, paar Wörta über si selba z'schreibn, oba i probier’s afoch moi:
I bin d'Kristina Steinwendner aus Oberösterreich, ausgebildete Elementarpädagogin. I hob einige Joahr im Kindagoartn gorbeit und die Zeit sehr genossn. 

Jetzt bin i auf selbstständiger Basis ois Bewegungs- und Haltungstrainierin mobil in de Kindagärtn untawegs und lieb die Arbeit mit di Kids sehr.

Wie bin i jetzt zu de Kräuter kuma?

Die Natur mit ihren Schätzn hod mi scho imma fasziniert. Scho ois Klane im Kindergortn war i liaba draußen statt drin.
In de letzten Joah hob i mi imma mehr mit Kräutern und Naturheilkunde beschäftigt. 

I hob den Kräuterpädagogenlehrgang erfolgreich absolviert. 

I hob di Ausbildung zur Dipl.Tem (Traditionelle Europäische Medizin) Kräuterexpertin im September 2025 erfolgreich abgeschlossen.

Bei einigen Weiterbildungen online und offline bin i imma wieda moi dabei, um mei Wissen zu erweitern.

Dabei untastützn mi zahlreiche Kräuterbücha!  🌿

Seit letztn Somma bin i a begeisterte Ringana Frischepartnerin und derf die wundavolln und exzellentn Produkte weitaempfehln.

Mit meim Mau und unsre zwa Kinder samma vü draußen in da Natur unterwegs und sammln ois, wos ma für unsre Hausapothekn brauchn.
Es mocht richtig vü Spaß, de duftenden Pflaunzn zu erntn, zu trocknen und zu verorbeitn.

Ans meina großn Ziele is, mit da Kräuterkunde die Kids im Kindagortn und Schui zu begeistern. Ob bei Kräuterexpeditionen im Woid oder afoch bei an Spaziergaung..es soi afoch Spass mochn. 

In meine Kräuterworkshops mecht i mei Wissn weitergebn, und i gfrei mi scho riesig auf die spannenden Momente mit eich!
Des Wunda da Natur is so faszinierend und begeistert jung und oid!

Los geht’s – tauchts mit mir ei in de Wöd da Kräuter und gspiarts, wia guad si des aufühlt!

Eure Kristina - KRAUT STARK